最近去左大埔最新嘅打卡熱點餐廳🍴估唔到呢間又真係有驚喜喎～餐廳環境好靚我會稱佢為歐陸貴族風🤣🤣打卡一流之餘估唔到佢食物嘅水平都係咁好👍🏻今次去時就食左佢個lunch,價錢合理味道又幾好😋
［前菜］
意式千層茄子沙律🥗
茄子🍆食落好清甜加上茄子🍆配上蕃茄蓉做醬汁，夾埋食出茄子同沙律嘅鮮甜，凍凍酸酸好開胃，最上層加上烘話嘅松子再加多一重口感！
煙三文魚紅菜頭蘆筍卷
煙三文魚配上紅菜頭，中間再加上蘆筍，咬落外軟內爽脆口感好好。
［主菜］
法式藍青口白酒忌廉闊麵 $98
藍青口配上白酒食落鮮甜，個忌廉煮得唔會太稀岩岩好掛到喺麵到，啲汁食到有淡淡嘅白酒味，闊麵煮得剛好有彈牙嘅口感。
法式櫻桃汁脆焗鴨胸配薯蓉 $108
餐廳經理推介呢個脆焗鴨胸唔係一般市上買嘅煙鴨胸口感，仲話外層香脆比佢講到心心眼😍食落又真係有驚喜喎！！外層真係焗得好香脆，真係做到外脆內軟鮮嫩，肉汁豐富每一啖都充滿肉汁，配上櫻桃汁酸酸甜甜不自覺就食哂成件鴨胸啦🤣
以上價錢仲配有甜品同飲品Tim!
Dionysus (大埔)
大埔懷仁街43號泰和樓地舖
Search